teknohezkuntza 2

Dokumentuak igotzeko prozedura

teknohezkuntza — Fri, 16 Jan 2009 16:16:13 +0000

Zuetariko batzuek arazoak dauzkazue zuen blogera dokumentuak igotzeko. Arazo horiek direla-eta, dokumentu honetan sar zaitezte urrats guztiak jarraitzen dituzuela ziurtatzeko.

Bertako pausoak jarraitu arren, arazoak desagertu ez badira, jarri nirekin harremanetan.

Laster arte!

Software Didaktikoa hautatzeko irizpideak

teknohezkuntza — Fri, 16 Jan 2009 16:13:21 +0000

Hona hemen software didaktikoak hautatzeko irizpideei buruzko aurkezpena:

Software Didaktikoa

teknohezkuntza — Tue, 02 Dec 2008 17:03:28 +0000

Ikasgaiari dagokion azken lanak eskoletan hain erabiliak diren software didaktikoak izango ditu oinarri. Lan honetan talde bakoitzak hainbat software hartu eta aztertu beharko ditu. Zeregin horretarako, arreta jarri beharko duzue programa horiek darabiltzaten estrategia metodologikoetan. Zuen lana errazteko asmoz, dokumentu hau erabil dezakezue.

phpwebquest

teknohezkuntza — Tue, 02 Dec 2008 14:05:03 +0000

Dagoeneko amaitzear dituzue zuen webquestak. Horregatik, gai honi amaiera emateko, egindako lan hori sarean jarri beharko duzue, phpwebquest plataforman.

Zeregin horretarako, hemen sakatu eta bete itzazu agindutakoak. Pasahitzik ez baduzu, eskatu eta, eskatzekotan e-mailik jaso ez baduzu, ondoko erabiltzaile-izena eta pasahitza erabil ditzakezu:

Erabiltzaile-izena: ikas

Pasahitza: huhezi

WebQuesta sortzen

teknohezkuntza — Fri, 14 Nov 2008 06:53:39 +0000

Dagoeneko ikusi dugu zer den WebQuest bat. Horretarako, mapa kontzeptual batean islatu zenuten WebQuestei buruzko guztia. Oraingo honetan, berriz, aurrerapauso bat eman beharko dugu; azken batean, taldeka WebQuest bat sortu beharko duzue.

Eraikuntza prozesu horretan laguntzeko, lehenik eta behin WebQuest baten ikasle izan beharko duzue: egin klik hemen.

IHMC CMAP TOOLS

teknohezkuntza — Tue, 04 Nov 2008 07:37:01 +0000

Aste honetan ekingo diogu mapa kontzeptualen sorkuntzari. Zeregin horretarako, sartu-irtena egingo dugu cmap tools programan. Are gehiago, aditzera emango ditugu bere argi eta itzalak. Hain zuzen ere, itzal horietako bat da cmap toolsek instalazioa behar duela. Oztopo hori gainditzeko eta zuen ordenagailuetan ere erabili ahal izateko, hemen sakatu eta, sistema eragilea hautatu ondoren (Windows, Linux, Mac…), osa itzazu eskatutako informazioak. Ez ahaztu Please read the note and check the box azpiko laukitxoa betetzen. Horrez gain, erakundeaz galdetzerakoan, Individual (non commercial use) hautatu.

Bidenabar, programaren inguruko tutorial bi dauzkazue eskura. Lehenik, lotura ofizial honetan, aukera daukazue programak eskainitako aukera gehienak ezagutzeko. Bigarrenik, slideshare euskarriak aukera ematen digu oinarrizko tutorial bat ikusteko:

Instalazio prozesuan edo programa baliatzean edozein zalantza izanez gero, badakizue non nagoen.

Webquestei buruzko artikulua

teknohezkuntza — Tue, 21 Oct 2008 14:47:34 +0000

Hurrengo saioari begira, etxeko lanak izango dituzue. Dena den, ez zaitezte kezkatu, ez da-eta aparteko ezer. Hurrengo egunerako 6 orriko artikulutxo bat irakurri beharko duzue. Artikuluan definitzen dira webquesten ezaugarriak. Hemen sakatu artikulua zuenganatzeko.

Hitzaldi interesgarria

teknohezkuntza — Thu, 16 Oct 2008 14:44:17 +0000

Jarraian duzue 2008ko Ikasblogak jardunaldian Juan Miguel Muñozek emandako hitzaldia. Bertan, gaur egungo gizartearen diagnostiko interesgarria egiteaz gain, eskola egokitzearen aldeko apustua egiten du.

Blogak vs. wikiak

teknohezkuntza — Sun, 12 Oct 2008 19:22:48 +0000

Dagoeneko klasean aipatu ditugu blogen eta wikien arteko ezberdintasunak. Hala ere, bien arteko aldea are argiago uzteko asmoz, ondoko aurkezpena duzue. Bertan, ezberdintasunez gain, bakoitzaren ezaugarri nagusiak aurkituko dituzue:

Norberaren bloga

teknohezkuntza — Tue, 07 Oct 2008 07:10:43 +0000

Aurkezpen orokorra egin eta gero, dagoeneko iritsi da blogari bihurtzeko unea. Aurrekoan esan bezala, wordpress plataforma erabiliko dugu bakoitzak bere bloga egiteko. Gogoan izan wordpress hautatu dugula bertara dokumentuak igotzeko duen erraztasunagatik. Hala ere, honek ere badu alde txarra; izan ere, euskaratzeko prozesuan baitago. Espero dezagun lehenbailehen wordpress ere euskaraz izatea!

Kontuak kontu, lanean has gaitezen hona hemen bi baliabide: batetik aurkezpenean, blogen aurkezpen orokorraz gain, oso modu ulergarrian ageri dira jarraitu beharreko urratsak; eta, bestetik bideoan, blogean aritzeko oinarrizko zenbait arrasto ematen dira.